- Este evento pasou.
XXXIV Xornadas Luis Asorey: “Os soutos de castiñeiros: ecosistemas multifuncionais”
13 Novembro, 2023 @ 7:00 p.m. - 22 Novembro, 2023 @ 9:00 p.m.
A Real Academia Galega de Ciencias e a Deputación de Lugo, coa colaboración do Campus Terra da Universidade de Santiago, celebrarán a partir da vindeira semana as “XXXIV Xornadas Luis Asorey”, centradas nesta edición nos soutos de castiñeiros como ecosistemas multifuncionais. Desenvolveranse do 13 ao 22 de novembro no salón de actos da Deputación de Lugo (rúa San Marcos, 8), en horario de 19:00 a 21:00 horas. Tamén se pode seguir a través da canle de Youtube da Academia. Este ciclo está recoñecido pola Consellería de Cultura, Educación, Formación Profesional e Universidades como actividade de formación do profesorado non universitario.