Félix Vidal Costa

Docteur d’Etat ès Sciences pola Universidade de París. Premio Nacional de Investigación Científica Santiago Ramón y Cajal 1997

Félix Vidal é Licenciado e Doutor en Ciencias Físicas pola Universidad Complutense de Madrid, DEA e Docteur de Troisième Cycle pola Ecole Normale Supérieure (ENS) de París, e Docteur d’Etat ès Sciences pola Universidade de París. Traballou durante once anos no Laboratoire de Physique des Solides da ENS de París, e durante dous anos no Center for Material Science and Engineering do MIT, USA. 

A súa chegada á USC, como Catedrático de Física da Materia Condensada, creou o grupo de Investigación “Laboratorio de Baixas Temperaturas e Superconductividade” (LBTS), centrado no estudo de diversos aspectos da Física de Baixas Temperaturas e da Ciencia e a Tecnoloxía de Materiais, especialmente dos superconductores, implementando algunhas das máis competitivas técnicas experimentais para eses estudos. Publicou máis de 200 artigos científicos e dirixiu ou codirixiu 26 Teses de Doutorado (22 na USC). 

Foi unha treintena de veces Profesor Invitado ou Asociado en diversas institucións, entre elas a EPFL en Lausanne, a ENS de Paris, as Universidades Paris VI e Paris VII, a Universidade de Cambridge e a Universidade de California en La Jolla. Participou na dirección de diversos organismos e comités científicos, como o C5 da IUPAP, Vicepresidente do Grupo Español de Física do Estado Sólido, coordinador da área de Ciencia e Tecnoloxía de Materiais da ANEP, Director do CEA da USC, Presidente da Comisión Científica Internacional para a Avaliación e Asesoramento dos Institutos de Ciencia de Materiais do CSIC. 

Algunhas das súas distincións son a “Médaille de Bronze” do CNRS de Francia en 1976, Premio Nacional de Investigación Científica “Santiago Ramón y Cajal” en 1997, Chevalier de l’Ordre des Palmes Académiques de Francia e os premios “Gallegos del Mundo” e de “Excelencia Gallega”.